ඩී. එස්. සේනානායක විද්‍යාලයේ ගෘහස්ථ ක්‍රිකට් පුහුණු දැල් ගොඩනැඟිල්ලේ ඉදිකිරීම් කටයුතු ආරම්භ කෙරෙයි.

ඩී. එස්. සේනානායක විද්‍යාලයේ 

ගෘහස්ථ ක්‍රිකට් පුහුණු දැල් ගොඩනැඟිල්ලේ 

ඉදිකිරීම් කටයුතු ආරම්භ කෙරෙයි.

ඩී. එස්. සේනානායක විද්‍යාලයීය නව ක්‍රීඩාංගණයේදී ගෘහස්ථ ක්‍රිකට් පුහුණු දැල් ගොඩනැඟිල්ලක් (Indoor Cricket Nets Building) ඉදිකිරීම් කටයුතු ආරම්භ කරන බව ඩී. එස්. සේනානායක විද්‍යාලය ඉහළ අභිමානයෙන් යුතුව නිවේදනය කර සිටියි. මෙම විශේෂ ව්‍යාපෘතිය ආරම්භ කරනු ලබන්නේ ඩී. එස්. සේනානායක විද්‍යාලයේ කීර්තිමත් ආදි ශිෂ්‍යයෙකු මෙන්ම ආදි ශිෂ්‍ය සංගමයේ හිටපු සභාපතිවරයෙකු ද වන,  මධුර වික්‍රමරත්න මහතාගේ අනුග්‍රහය සහ මූලිකත්වය ඇතිවය.

මෙම ගෘහස්ථ ක්‍රිකට් පුහුණු දැල් ගොඩනැඟිල්ල ඉදිකර අවසන් වූ පසු, එමඟින් ඕනෑම කාලගුණික තත්ත්වයකදී පුහුණුවීම් කළ හැකි නවීන පරිශ්‍රයක් නිර්මාණය වන අතර, එමඟින් ශිෂ්‍ය ක්‍රිකට් ක්‍රීඩකයින්ට වසර පුරා කිසිදු බාධාවකින් තොරව සිය පුහුණුවීම්වල නිරත වීමට සහ කුසලතා වර්ධනය කර ගැනීමට අවස්ථාව සැලසේ. මෙම පහසුකම මඟින් පුහුණුකරණ මට්ටම, ක්‍රීඩකයින්ගේ සූදානම සහ සමස්ත ක්‍රීඩා දක්ෂතාව ඉහළ නැංවීමට අපේක්ෂා කරන අතරම, විද්‍යාලයේ දිගුකාලීන ක්‍රීඩා විශිෂ්ටත්වයේ සම්ප්‍රදායට ද විශාල දායකත්වයක් සපයනු ඇත.
මෙම ගෘහස්ථ ක්‍රිකට් පුහුණු දැල් ගොඩනැඟිල්ල සඳහා මුල්ගල් තැබීමේ නිල උත්සවය 2026 ජූනි මස 4 වන දින පෙ.ව. 8.00 සිට ඩී. එස්. සේනානායක විද්‍යාලයීය නව ක්‍රීඩාංගණයේදී පැවැත්වේ. මේ සඳහා විද්‍යාලයීය කළමනාකරණ මණ්ඩලට, ආදි ශිෂ්‍ය සංගමයේ නියෝජිතයින්, කීර්තිමත් ආදි ශිෂ්‍යයින් සහ සිසුන් සහභාගී වීමට නියමිතයි.

ක්‍රිකට් ක්‍රීඩාව යනු ඩී. එස්. සේනානායක විද්‍යාලයේ පොහොසත් ක්‍රීඩා උරුමයේ අත්‍යවශ්‍ය කොටසක් වන බැවින්, මෙම ගෘහස්ථ ක්‍රිකට් පුහුණු දැල් ගොඩනැඟිල්ල ස්ථාපිත කිරීම, මීළඟ ක්‍රිකට් පරපුර බිහිකිරීම අරමුණු කරගනිමින් ඩී. එස්. සේනානායක විද්‍යාලය තුළ ලෝක මට්ටමේ ක්‍රීඩා පහසුකම් සංවර්ධනය කිරීම සඳහා තබන තවත් එක් සුවිශේෂී සන්ධිස්ථානයක් සනිටුහන් කරයි.